የካቲት 26

"ኑ፥ ወደ እግዚአብሔር እንመለስ፤ እርሱ ሰብሮናልና፥ እርሱም ይፈውሰናል፤ እርሱ መትቶናል፥ እርሱም ይጠግነናል።" ይላል የሰራዊት ጌታ እግዚያብሔር ሆሴ 6፤1። የካቲት 26 በዚህች ዕለት እውነተኛው ነቢይ ሆሴዕ አረፈ። በትንቢቱ ድንቅ ድንቅ ነገሮችን ተናገረ የእስራኤል ልጆችን ስለ ኃጢያታቸው በግልጽ ዘለፋቸው፤ ስለ ጌታችን ህማም ሞት ተናገረ "ሞት ሆይ ኃይልህ ወዴት አለ ? መቃብርስ ድል መንሳትህ ወዴት አለህ ? " ሆሴ 13፤14። ስለ እመቤታችን የግብጽ ስደትም ተናግሯል "ልጄን ከግብጽ ጠራሁት" ሆሴ 11፤1። ሌሎች ብዙ ትንቢቶችን እየተናገረ 70 ዓመት ኖሮ በበጎ ሽምግልና በዛሬዋ ዕለት አረፈ። በረከቱ ይደርብን
ምሕረትም የሌላትን እምራለሁ፥ ሕዝቤም ያልሆነውን። አንተ ሕዝቤ ነህ እለዋለሁ፤ እርሱም። አንተ አምላኬ ነህ ይለኛል።